Beckham se klinieke sluit
2010-02-09 02:09
Carson, Kalifornië - Die David Beckham-akademie in Carson en 'n ander ligging in Brittanje se deure is toegemaak, hoewel die sokkerster besig is om 'n ander program op die been te bring waarmee hy kinders wil help afrig.
Beide klinieke was bestuur deur die Anschutz Entertainment Group, wat die sokkerspan Galaxy en 19 Entertainment (Beckham se bestuurspan) besit.
AEG se woordvoerder Michael Roth het Dinsdag gesê die kliniek in Carson is voor Kersfees gesluit. Hy het gesê AEG werk saam met Beckham om 'n program en afrigtingsmodel saam te stel wat nie beperk sal word tot een spesifieke ligging nie, en wat kinders wêreldwyd kan bereik.
Die Daily Breeze of Torrance het eerste op die sluiting in Carson berig, en volgens die publikasie het 'n paar mense hul werk in die proses verloor.
Daar was geen publieke aankondiging oor die sluiting nie.
Op Beckham se webwerf word daar gesê die huurkontrak op sy ander kliniek (in Greenwich, Engeland) het verval.
- Sapa-AP