Beckham besoek Khayelitsha
2009-12-04 16:29
Kaapstad – David Beckham het Donderdag ‘n ‘Coaching for Hope’-projek (CfH) in Khayelitsha in Kaapstad bygewoon en met jong mense en afrigters wat betrokke is by die projek te gesels.
Die besoek is deur die Engelse sokker-vereniging (FA) gereël as deel van hulle internasionale ontwikkelingsprogram (IDP) en die voormalige Suid-Afrikaanse kaptein Lucas Radebe en David Triesman van die FA was ook daar.
Die sessie is by Ikhuse skool in Khayelitsha aangebied en het MIV-bewustheid tegnieke ingesluit.
Die 17-jarige junior leier Michael het Beckham op ‘n toer van die fasiliteit geneem voordat hy by meer as 30 jongmense aangesluit het vir ‘n vraag en antwoord sessie en ‘n toernooi wat spesiaal gereël is.
Coaching for Hope is die amptelike internasionale welsynsorganisasie van die FA vir 2009, word al sedert 2005 deur die FA IDP ondersteun en is ‘n innoverende program wat sokker gebruik om ‘n beter toekoms vir jong mense in Wes- en Suid-Afrika te skep.
- Sport24