Beckham: Wens ek kon by Man bly
2010-01-04 01:48
Londen - Sokkerlegende David Beckham wens hy het soos Ryan Giggs gemaak en eerder by Manchester United gebly vir sy hele loopbaan.
Die Engelse sokkerster, wat vir Los Angeles Galaxy speel, maar tans aan AC Milan uitgeleen is, het Sondag op BBC-radio gesê hy wou nooit werklik die Engelse sokkerklub in 2003 verlaat het nie.
Beckham het gesê hy sou graag sy hele loopbaan by Man wou gebly het, maar dat dit "nie so bestem was nie."
Man het Beckham aan die Spaanse klub Real Madrid verkoop ná die verhouding tussen hom en Alex Ferguson versuur het.
Die Engelse afrigter was bekommerd oor Beckham se superster-leefstyl wanneer hy nie op die sokkerveld was nie.
Giggs het sy sokkerdebuut gemaak toe hy slegs 17 jaar oud was. Beckham het op dieselfde ouderdom begin sokker speel.
- Sapa-AFP