'2010-realiteit is hier'
2009-12-04 11:17
Kaapstad – Danny Jordaan glo dat die Wêreldbeker begin met die trekking wat Vrydag plaasvind, maar hy is teleurgesteld met die kaartjieverkope van Bafana Bafana.
Die groepsfase sal in Kaapstad bepaal word en Jordaan voel dat dit tyd is dat al die bedenkinge verdwyn.
“Die finale loting is die einde van al die twyfel. Die realiteit van die geleentheid – dat jy voltooide stadiums nodig het, die trofee en 32 spanne – is hier,” het hy gesê.
Jordaan het gesê dat die plaaslike organiseringskomitee hoop dat nog 65 000 kaartjies aan Suid-Afrikaners beskikbaar gemaak sal word.
“Ons hoop dat nog 65 000 kaartjies na Suid-Afrikaners sal gaan,” het hy gesê.
Jy kan nie glo dat Brasilië, vanuit ‘n kaartjie oogpunt, meer gewild is as Bafana in ons eie land nie. Dat Engeland meer gewild is as Bafana in ons land nie. Dit is ‘n vreemde ding.”
Jordaan is daarvan bewus dat Bafana Bafana se swak vertoning ‘n effek het op kaartjieverkope, maar hy ondersteun die manne.
“Met 90 000 ondersteuners en 90 000 vuvuzelas, sal Bafana Bafana goed doen in hulle eerste wedstryd.”
- Football365.co.za