10 gestraf na hul skeidsregter aanval
2009-07-31 08:44
Beijing – Die Chinese Sokkervereniging het 10 Tianjin City-spelers gestraf nadat hulle die skeidsregter tydens China se nasionale spele aangeval tydens het.
Een van dié spelers is lewenslank uit sokker geskors.
Die voorval het aan die einde van verlede Sondag se 3-1 nederlaag teen Beijing plaasgevind.
Die doelskopper Zhao Shitong is lewenslank geskors nadat hy die skeidsregter sowat 27 m gejaag en hom teen die grond gestamp het.
Nog ses spelers is vir ten minste twee jaar geskors terwyl die ander drie spelers van tussen vyf en tien wedstryde geskors is.
Sokkerspelers wat aan die nasionale spele deelneem is gewoonlik spelers wat vir die land se professionele Super-liga wil kwalifiseer.
Beeldmateriaal het gewys hoe die aanval op die skeidsregter ontvou en hoe die polisie en sekerheidswagte vergeefs probeer het om die skeidsregter te beskerm.
Chinese sokker gaan gebuk onder swak skeidsregters, korrupsie en tempramentele spelers, maar die vereniging het onderneem om ‘n liga te stig wat by die Premierliga kan kersvashou.
Dít sal tien tot 15 jaar neem om te vermag.
Sapa-AFP