Vermeulen draf uit in Perth
2012-09-05 07:27
In-diepte Verslae
Die Nieu-Seelandse rugbyunie het die All Blacks se Rugbykampioenskap-titel met 'n openbare tentoonstelling
van die span se trofeekas gevier.
Kaapstad – Die WP- en Stormers-losvoorspeler Duane Vermeulen sal sy debuut op agsteman vir die Springbokke maak wanneer Suid-Afrika Saterdag teen die Wallabies in Perth uitdraf.
Die Bok-breier, Heyneke Meyer, het Bath se baljagter Francois Louw op die plaasvervangerbank gekies en die nr. 9-trui aan Ruan Pienaar gegee.
Dié skuif beteken dat Francois Hougaard Saterdag op vleuel teen die Wallabies sal uitdraf.
Adriaan Strauss, wat vroeër die week las van 'n kniebesering gehad het, is fiks verklaar en sal op haker in die beginspan sak.
Andries Bekker is uit die 22-tal weggelaat met Juandre Kruger wat saam met Eben Etzebeth die Bokke se slotpaar sal uitmaak.
Afskoptyd is om 12:35.
So lyk die span:
15 Zane Kirchner, 14 Bryan Habana, 13 Jean de Villiers (kaptein), 12 Frans Steyn, 11 Francois Hougaard, 10 Morné Steyn, 9 Ruan Pienaar, 8 Duane Vermeulen, 7 Willem Alberts, 6 Marcell Coetzee, 5 Juandre Kruger, 4 Eben Etzebeth, 3 Jannie du Plessis, 2 Adriaan Strauss, 1 Beast Mtawarira.
Plaasvervangers: 16 Tiaan Liebenberg, 17 Pat Cilliers, 18 Flip van der Merwe, 19 Francois Louw, 20 Johan Goosen, 21 Patrick Lambie, 22 Lwazi Mvovo
Vir die jongste sportnuus volg Nuus24Sport op Twitter.
– Nuus24
