Carter in All Black-toerspan ingesluit
2012-09-21 07:24
In-diepte Verslae
Die Nieu-Seelandse rugbyunie het die All Blacks se Rugbykampioenskap-titel met 'n openbare tentoonstelling
van die span se trofeekas gevier.
Wellington – Die All Blacks-spelmaker Dan Carter herstel goed van 'n besering en sal na verwagting fiks wees vir die res van die span se Rugbykampioenskap-wedstryde teen Argentinië en Suid-Afrika, het Steve Hansen, die span se afrigter, Vrydag gesê.
Carter is die groenlig gegee om te reis, maar 'n derde losskakel, Beauden Barrett, is as voorsorg by die span van 28 ingesluit. Die stut Wyatt Crockett moes egter weens dié besluit tuisbly.
"Dan herstel goed van sy kuitbesering en ons verwag dat hy fiks sal wees vir die wedstryd teen Argentinië," het Hansen gesê.
"Omdat ons slegs 28 spelers op die toer kan neem, moes ons 'n speler agterlaat om Beauden in te sluit. Die logiese keuse was om 'n stut uit te laat."
Die All Blacks is ná vier wedstryde onoorwonne in die toernooi en sal die titel wen indien hulle Argentinië op 29 September in Buenos Aires klop.
Die span se laaste wedstryd is op 6 Oktober in Johannesburg.
Die span is:
Agterspelers: Aaron Smith, Piri Weepu, Beauden Barrett, Daniel Carter, Aaron Cruden, Tamati Ellison, Ma'a Nonu, Conrad Smith, Israel Dagg, Hosea Gear, Cory Jane, Ben Smith, Julian Savea.
Voorspelers: Andrew Hore, Keven Mealamu, Charlie Faumuina, Ben Franks, Owen Franks, Tony Woodcock, Brodie Retallick, Luke Romano, Sam Whitelock, Sam Cane, Richie McCaw (kaptein), Liam Messam, Kieran Read, Adam Thomson, Victor Vito.
– Volg Nuus24Sport op Twitter
- Sapa - AFP
