Bekker, Etzebeth in beginspan teen Poemas
2012-08-15 12:59
In-diepte Verslae
Die Nieu-Seelandse rugbyunie het die All Blacks se Rugbykampioenskap-titel met 'n openbare tentoonstelling
van die span se trofeekas gevier.
Kaapstad – Andries Bekker en Eben Etzebeth is die Springbok-afrigter, Heyneke Meyer, se sleutelspelers in Saterdag se Rugbykampioenskap-wedstryd teen Argentinië op Nuweland.
Meyer het Keegan Daniel op agsteman gekies en erken dat hy dié uitdaging aan Daniel gestel het sodat die Sharks-kaptein kan bewys dat hy oor die fisieke vermoë beskik om toetsrugby te speel.
Die afrigter het tydens Woensdag se spanaankondiging ook gesê hy wil Bekker in aksie sien en in die konteks van die wedstryd en die opposisie het hy dit beter geag om Flip van der Merwe as plaasvervanger-slot te gebruik.
Etzebeth het die afgelope drie weke met 'n heupbesering gesukkel, maar het 'n laat-fiksheidstoets geslaag.
Lwasi Mvovo kry ook speelkans en sal in die plek van die beseerde JP Pietersen op vleuel uitdraf terwyl Bryan Habana vanaf sy gewone linkervleuel-posisie na die regterkant skuif.
Meyer het bygevoeg dat hy die volste vertroue in Morné Steyn het om 'n goeie vertoning, soos wat dit 'n nr. 10-toetsspeler betaam, te lewer en sy kritici stil te speel.
Afskoptyd Saterdag is 17:00.
So lyk die spanne:
Springbokke:
15. Zane Kirchner, 14. Bryan Habana, 13. Jean de Villiers (kaptein), 12. Frans Steyn, 11. Lwazi Mvovo, 10. Morné Steyn, 9. Francois Hougaard, 8. Keegan Daniel, 7. Willem Alberts, 6. Marcell Coetzee, 5. Andries Bekker, 4. Eben Etzebeth, 3. Jannie du Plessis, 2. Bismarck du Plessis, 1. Tendai Mtawarira
Plaasvervangers: 16. Adriaan Strauss, 17. Pat Cilliers, 18. Flip van der Merwe, 19. Jacques Potgieter, 20. Ruan Pienaar, 21. Pat Lambie, 22. JJ Engelbrecht
Argentinië:
15 Lucas Gonzalez Amorosino, 14 Gonzalo Camacho, 13 Marcelo Bosch, 12 Santiago Fernandez, 11 Horacio Agulla; 10 Juan Martin Hernandez, 9 Nicolas Vergallo, 8 Juan Martin Fernandez Lobbe (kaptein), 7 Alvaro Galindo, 6 Julio Farias Cabello, 5 Patricio Albacete, 4 Manuel Carizza, 3 Juan Figallo, 2 Eusebio Guinazu, 1 Rodrigo Roncero
Plaasvervangers: 16 Bruno Postiglioni, 17 Marcos Ayerza, 18 Juan Pablo Orlandi, 19 Tomas Leonardi, 20 Leonardo Senatore, 21 Martin Landajo, 22 Martin Rodriguez
Vir die jongste sportnuus volg Nuus24Sport op Twitter.
– Sport24
