WP hou asem op oor Jean

2012-10-08 14:25

Kaapstad – Jean de Villiers het las van beserings en sal straks nie Saterdag vir die WP teen die Cheetahs op Nuweland uitdraf nie.

Volgens die Streeptruie se bestuur het die Bok-kaptein swelling op sy knie en 'n seer dyspier.

Op hierdie stadium word die beserings nie as ernstig beskou nie, maar de Villiers sal versigtig bestuur word in die aanloop tot Saterdag se kragmeting.

In ander beseringsnuus sal die flank Rynhardt Elstadt die res van die seisoen weens 'n ribbesering misloop.

Gio Aplon het sy rehabilitasie vir 'n beseerde enkel voltooi, maar daar sal nie die naweek met hom gewaag word nie.

Die flank Tyrone Holmes het Maandag 'n operasie aan sy gebreekte neus ondergaan.

Holmes behoort eers oor tien dae terug te wees op die rugbyveld.

Afskoptyd is om 17:05.

Vir die jongste sportnuus volg Nuus24Sport op Twitter.

– Sport24