Voormalige WP-stut sterf

2013-01-18 10:22

Kaapstad – Die voormalige WP- en Stormers-stut Morné van der Merwe is in die ouderdom van 39 ná 'n stryd teen breinkanker in Nieu-Seeland dood.

Van der Merwe het in die laat 1990’s eers die Oostelike Provinsie, toe vir die WP en eindelik vir die Stormers uitgedraf.

Die Westelike Provinsie se rugbyunie het die nuus Vrydagoggend op sy Facebook-blad bevestig: "RIP Morné van der Merwe – ons meegevoel gaan aan sy familie en vriende – WP Rugby."

'n Kwaadaardige gewas in die brein is twee jaar gelede by Van der Merwe gediagnoseer nadat hy sy rugbyloopbaan in Wellington, Nieu-Seeland, afgesluit het.

Hy word oorleef deur sy vrou, Cindy, en hul twee kinders.

Volg Nuus24 op Twitter.

– Sport24