VSA, Japan speel dalk Superrugby
2013-01-25 09:30
Bloemfontein – Greg Peters, Sanzar se uitvoerende hoof, het onthul dat dié liggaam oorweeg om die Superrugby-reeks te vergroot en spanne van ander wêrelddele in te sluit, het Sport24 berig.
Dit beteken spanne van Amerika, Kanada, Japan en Asië sal
dalk in 2016 Super-rugby kan speel. Ook Argentinië se naam is genoem.
Sanzar se lede (Suid-Afrika, Australië en Nieu-Seeland) sal later vanjaar oor die moontlike uitbreiding vergader, het die publikasie berig.
Volgens Jurie Roux, uitvoerende hoof van Saru, ondersoek Sanzar die uitbreiding van Super-rugby. ’n Subkomitee (van Sanzar) is gestig om dié opsie te oorweeg.
“Maar dit is ’n bietjie voortydig om oor die besonderhede daarvan te begin bespiegel.
“Kom ons laat die subkomitee toe om die moontlikhede uit te werk,” het Roux gesê.
– Lees hier meer.
– Volg Nuus24Sport op Twitter.
