Top-toekenning vir Nathan Sharpe

2012-11-01 16:40

Kaapstad – Die Wallaby-veteraan Nathan Sharpe is Donderdag met Australië se hoogste rugbytoekenning, die John Eales-medalje, tydens 'n seremonie in Sydney vereer.

Sharpe het David Pocock en Adam Ashley-Cooper geklop om prys te ontvang.

Hy het ook die Speler van die Jaar-, wat deur ondersteuners gekies word, en die Gees van Rugby/Nick Farr Jones-prys vir dienste gelewer, ontvang.

Michael Hooper het die Nuweling van die Jaar-toekenning gewen vir sy briljante vertoning vir die Brumbies tydens vanjaar se Super-reeks.

Die Drie van die Jaar-toekenning het aan die stut Ben Alexander gegaan vir sy drie agter die pale in die Wallabies se Rugbykampioenskap-oorwinning oor die Springbokke in Perth.

Vir die jongste sportnuus volg Nuus24Sport op Twitter.

– Sport24