Toeskouer glo dood by rugbywedstryd
2010-02-06 19:11
Herman Eloff
Kaapstad – ‘n Toeskouer het na bewering inmekaargesak en gesterf tydens die wedstryd tussen die Stormers en die Boland XV in die nuwe Kaapstad-stadion.
Volgens ooggetuies het die oorledene by die trappe afgeloop toe hy inmekaargesak het. Nooddienspersoneel op die toneel het glo noodbehandeling (CPR) op die man toegepas en hom daarna in die ambulans gelaai.
Die Metro-nooddienste in Kaapstad kon nie dadelik kommentaar lewer oor die voorval nie. Organiseerders by die stadion het nie dadelik op navrae reageer nie.
Nuus24 het verneem dat die oorledene moontlik self ‘n oud-rugbyspeler was. ‘n Tweede persoon is na bewering ook per ambulans na ‘n naby geleë hospitaal geneem.
–Nuus24