Sterk Haai-span teen Pumas
2011-09-08 14:28
Durban – Die Haaie se breier, John Plumtree, het drie veranderinge gemaak aan sy span wat Saterdag in die Curriebeker-wedstryd teen die Pumas op Kingspark in Durban uitdraf.
Charl McLeod is vir twee weke buite aksie weens 'n skouerbesering en word deur Conrad Hoffmann in die skrumskakel-posisie vervang.
Die stut Eugene van Staden herstel van 'n elmboogbesering en is na die plaasvervangersbank geskuif. Wiehahn Herbst draf in van Staden se plek in die beginspan uit.
In die derde verandering maak Jandré Marais plek vir Allister Hargreaves op slot.
Die Durbaniete het ook een posisionele verandering gemaak. Keegan Daniel sal na agsteman skuif en Jean Deysel draf in die nr. 6-trui uit.
Afskoptyd Saterdag op Kingspark is 15:00.
So lyk die span:
Louis Ludik, Sibusiso Sithole, Stefan Terblanche, Meyer Bosman, Lwazi Mvovo, Frederic Michalak, Conrad Hoffmann, Keegan Daniel (kaptein), Marcell Coetzee, Jean Deysel, Ross Skeate, Alistair Hargreaves, Wiehahn Herbst, Craig Burden, Dale Chadwick.
Plaasvervangers: Kyle Cooper, Eugene van Staden, Anton Bresler, Jacques Botes, Ross Cronje, Jacques-Louis Potgieter, Adrian Jacobs.
Vir die jongste sportnuus volg Nuus24Sport op Twitter.
– Sport24