Speler toets positief oor hy snor wil groei
2011-08-10 15:14
Kaapstad – 'n Rugbyspeler van Japan, Ryohei Yamanaka, sê hy aanvaar sy skorsing vir 'n verbode middel, maar blameer dit op 'n produk wat hy gebruik het om sy snor te laat groei.
Die 23-jarige losskakel, wat verlede jaar in een wedstryd vir Japan gespeel het, het in April positief getoets vir 'n verbode middel tydens 'n oefenkamp vir die Wêreldbeker-toernooi in Nieu-Seeland.
Japan se rugbyunie het Woensdag tydens 'n persverklaring gesê dit is die eerste voorval van 'n positiewe toets waar 'n Japannese speler betrokke is.
Yamanaka het gesê alhoewel hy die skorsing van twee jaar aanvaar, hy nie doelbewus die verbode middel gebruik het nie.
Hy het aangevoer dat die middel moontlik in 'n kosmetiese produk kon wees wat hy gebruik het om 'n snor te groei.
Vir die jongste sportnuus volg Nuus24Sport op Twitter.
– Sport24