Só lyk Bok-skedule vir 2013
2013-01-09 11:48
Kaapstad – Die Springbokke sal hul besige internasionale seisoen van 2013 afsluit met ‘n toer na Skotland, Wallis en Frankryk, het die Suid-Afrikaanse Rugbyunie Woensdag bekend gemaak.
Die Springbokke se eerste wedstryd teen Italië op 8 Junie is van die Mbombela-stadion in Nelspruit na Kingspark in Durban geskuif. Skotland en Samoa sal op dieselfde dag ook op Kingspark in aksie wees as deel van ‘n nuwe formaat waar ondersteuners twee toetse vir die prys van een sal kan sien.
Die tweede ronde van die toernooi sal die daaropvolgende naweek in Nelspruit se Mbombela-stadion gespeel word.
Die skuif is gemaak ná dit aan die lig gekom het dat die motor-program Top Gear die naweek van die 8ste Junie ‘n byeenkoms in Durban gaan hou.
Daarna volg Rugbykampioenskap-kragmetings teen Argentinië in Bloemfontein, Australië op Nuweland en die All Blacks op Ellis Park.
In November sal die Bokke vir die eerste keer sedert 2009 weer in Frankryk speel.
Suid-Afrika sal ook toetse teen Skotland en Wallis op hul toer van Europa speel.
Lees hier meer.
Die Springbokke se wedstryde vir 2013:
Inkomende toer:
Saterdag, 8 Junie (Kingspark, Durban): Skotland teen Samoa; Springbokke teen Italië
Saterdag, 15 Junie (Mbombela-stadion, Nelspruit): Samoa v Italië; Springbokke teen Skotland
Saterdag, 22 Junie (Loftus Versfeld, Pretoria): Span 3 teen Span 4 ; Span 1 teen Span 2
Rugbykampioenskap-reeks:
Saterdag, 17 Augustus (Vrystaat-stadion, Bloemfontein): Springbokke teen Argentinië
Saterdag, 24 Augustus (Estadio Malvinas Argentinas, Mendoza): Argentinië teen Springbokke
Saterdag, 7 September (Suncorp-stadion, Brisbane): Australië teen Springbokke
Saterdag, 14 September (Edenpark, Auckland): Nieu-Seeland teen Springbokke
Saterdag, 28 September (Nuweland, Kaapstad): Springbokke teen Australië
Saterdag, 5 Oktober (Ellispark, Johannesburg): Springbokke teen Nieu-Seeland
Europese toer:
Saterdag, 9November (Murrayfield, Edinburgh): Skotland teen Springbokke
Saterdag, 16 November (Millennium-stadion, Cardiff): Wallis teen Springbokke
Saterdag, 23 November (Stadion moet nog bevestig word): Frankryk teen Springbokke
– Vir die jongste sportnuus volg Nuus24Sport op Twitter.
