Skotte glo hul kan Wallis klop
2012-02-10 14:15
Kaapstad – Skotland is so vol vertroue vir Sondag se wedstryd in Cardiff teen Wallis, dat die besoekers gevra het vir die dak van die stadion om toegemaak te word om ideale speeltoestande te verseker, het RSG Vrydag berig.
Baie ondersteuners glo dat die Skotte se beste kans op 'n eerste oorwinning in 'n dekade oor die Walliesers, is om in die reënerige toestande te speel wat vir Saterdag voorspel word.
Skotland het in die verlede al van sy merkwaardigste oorwinnings in nat toestande behaal - insluitende 'n oorwinning twee jaar gelede, teen die verwagting in, oor die Springbokke wat in daardie stadium die wêreldkampioene was.
Die dak van die Millennium-stadion mag slegs toegemaak word wanneer albei spanne daartoe instem.
Wallis het verlede naweek met 23-21 met Ierland afgereken, terwyl Engeland vir Skotland met 13-6 geklop het.
Vir die jongste sportnuus volg Nuus24Sport op Twitter.
– RSG