Skotland oorweeg tydelike breier

2012-12-04 14:02

Edinburg – Skotland sal waarskynklik 'n tussentydse breier vir die Sesnasies aanstel terwyl die soektog voortduur om 'n langtermyn-plaasvervanger vir Andy Robinson te vind.

Robinson het verlede week sy bedanking aangekondig.

Die hulpafrigter Scott Johnson kan as 'n kandidaat oorweeg word aangesien hy ervaring as hoofafrigter, by Wallis en Amerika, het.

Sean Lineen, wat tans die pos van talentsoeker by die Skotse rugbyunie (SRU) beklee, is nog 'n kandidaat.

"Ons het reeds 'n aantal aansoeke vir die pos ontvang," het die SRU se uitvoerende hoof, Mark Dodson, Maandag gesê.

"Die Sesnasies is om die draai en gegewe die tydfaktor oorweeg ons die moontlikheid om voorlopig 'n tussentydse breier aan te stel."

"Die belangrikste doelwit is om iemand te kry wat die span vorentoe kan neem vir die langtermyn," het Dodson bygevoeg.

Lees die volledige artikel hier.

Vir die jongste sportnuus volg Nuus24Sport op Twitter.

– Planet Rugby