Sharks noem sewesspan vir George
2012-12-05 14:57
Kaapstad – Gouws Prinsloo en S'bura Sithole sal die pligte as kaptein van 'n talentvolle Sharks-span by die Premierliga-sewestoernooi in George deel.
Die Durbaniete het die onlangse interprovinsiale sewestoernooi gewen en is dus vol selfvertroue vir die George-toernooi, wat op 14 Desember afskop.
"S'bura het vir die Blitsbokke gespeel en Gouws is drie jaar reeds 'n senior lid van die span," het die Sharks se afrigter, Roelof Kotzé, tydens Woensdag se spanaankondiging gesê.
"Ons was goed genoeg om die interprovinsiale toernooi te wen en die kern van daardie groep sal in die Premierliga-sewes speel. Dus is ons baie positief oor ons kanse," het Kotzé bygevoeg.
So lyk die Sharks-groep:
Tera Mtembu, Peet Coetzee, Sizo Maseko, Anton Verster, Gouws Prinsloo, Milo Ngoro, S'bura Sithole, Calvin Karnezos, Tyler Fisher, Sean Robinson, Jaco Van Tonder, Mzo Mbona.
Vir die jongste sportnuus volg Nuus24Sport op Twitter.
