Sesnasies: Italië trek strydros nader
2013-02-18 13:38
Milan – Die Italiaanse strydros Mauro Bergamasco is in die Azzuri se groep opgeneem vir Saterdag se Sesnasies-wedstryd teen Wallis in Rome.
Die 33-jarige veteraan-flank van 93 toetse is weggelaat uit Italië se twee openingswedstryde teen Frankryk en Skotland.
Bergamasco is egter nadergetrek as moontlike plaasvervanger vir die kaptein, Sergio Parisse.
Parisse word deur 'n skorsing in die gesig gestaar nadat hy tydens Saterdag se klubwedstryd tussen Stade Francais en Bordeaux van die veld afgestuur is omdat hy die skeidsregter na bewering beledig het.
Die losvoorspeler het egter sy onskuld verklaar.
Die Italianers het Frankryk in die openingsronde van die Sesnasies-reeks met 23-18 in Rome geskok, maar is die daaropvolgende naweek deur Skotland met 34-14 op Murrayfield oorweldig.
Italië:
Voorspelers: Roberto Barbieri (Treviso), Martin Castrogiovanni (Leicester/ENG), Lorenzo Cittadini (Treviso), Alberto De Marchi (Treviso), Paul Derbyshire (Treviso), Simone Favaro (Treviso), Joshua Furno (Narbonne/FRA), Quintin Geldenhuys (Zebre), Leonardo Ghiraldini (Treviso), Davide Giazzon (Zebre), Andrea Lo Cicero (Racing-Metro), Francesco Minto (Treviso), Sergio Parisse (Stade Francais/FRA), Antonio Pavanello (Treviso), Michele Rizzo (Treviso), Ratu Manoa Vosawai (Treviso), Alessandro Zanni (Treviso), Mauro Bergamasco (Zebre)
Agterspelers (13): Tommaso Benvenuti (Treviso), Tobias Botes (Treviso), Kris Burton (Treviso), Paolo Buso (Zebre), Gonzalo Canale (La Rochelle/FRA), Gonzalo Garcia (Zebre), Edoardo Gori (Treviso), Tommaso Iannone (Treviso), Andrea Masi (London Wasps/ENG), Luke McLean (Treviso), Luciano Orquera (Zebre), Luca Morini (Treviso), Giovanbattista Venditti (Zebre)
Vir die jongste sportnuus volg Nuus24Sport op Twitter.
- AP
