Schalk Burger beseer
2011-07-03 15:02
Kaapstad - Die Suid-Afrikaanse flank, Schalk Burger, het sy duim verstuit en ligamente in sy regterhand beseer slegs weke voor die Drienasies-rugbytoernooi en twee maande voor die begin van die Rugbywêreldbeker.
Burger het die besering in die eerste helfte van die Stormers se 29-10 nederlaag teen die Crusaders in die Super 15 halfeindstryd opgedoen.
Die Stormers het die besering bevestig en sê dit is nie duidelik hoe lank Burger buite aksie sal wees nie.
Verdere ondersoeke sal Maandag (môre) gedoen word om vas te stel hoe ernstig die besering is.
Suid-Afrika kies volgende naweek sy groep vir die wegwedstryd in die Drienasies en speel op 23 Julie in die openingswedstryd teen Australië in Sydney.
Die Bokke, wat die verdedigende kampioene in die wêreldbeker is, speel hul eerste wedstryd van die toernooi op 11 September.
– RSG.
– Volg Nuus24 op Twitter.