Rugbyspeler: "Beroerte het my gay gemaak"
2011-11-09 13:19
Cardiff – 'n Heteroseksuele rugbyspeler van Wallis beweer 'n beroerte ná 'n fratsongeluk op 'n oefenveld het hom gay gemaak.
Die 26-jarige Chris Birch het voor sy ongeluk 120 kg geweeg, vir 'n amateurklub flank gespeel en 'n huis met sy verloofde gedeel.
Maar toe kry hy 'n beroerte nadat hy sy nek in 'n ongeluk gebreek het en sy herstelproses lewer dramatiese resultate.
Birch het 50 kg verloor, sy werk by 'n bank gelos, 'n haarkapper geword en saam met sy 19-jarige kêrel ingetrek.
Hy vertel: "Ek was gay toe ek bygekom het na die ongeluk en is steeds. Dit klink vreemd maar ek het dadelik anders gevoel. Ek het nie meer in vroue belanggestel nie."
Birch het sy neuroloog geraadpleeg en dié dokter het gesê dat die beroerte moontlik 'n ander deel van sy brein "oopgemaak" het.
Lees die volledige artikel hier.
– Independent.ie