Pocock bieg oor eetversteuring
2011-11-14 12:18
Sydney – Die Wallabies-ster David Pocock het bekendgemaak hy ly aan ‘n eetversteuring wat hy ontwikkel het toe sy familie uit Zimbabwe gevlug het.
In sy nuwe outobiografie, Openside: My Journey to the Rugby World Cup, maak die 23-jarige flank bekend hy het ‘n eetversteuring ontwikkel toe sy gesin naastenby 10 jaar gelede uit Zimbabwe gevlug het.
“Toe my gesin in 2002 uit Zimbabwe getrek het, het ‘n ek ‘n stresverwante eetversteuring ontwikkel,” het hy gesê. “Ek was irrasioneel streng oor wat ek geëet het en ek het ‘n ongesonde selfbeeld gehad.”
“As ek nou na foto’s kyk, lyk ek uiters skraal, maar ek het nooit vir myself skraal genoeg gelyk nie,” het Pocock gesê. “Ek was onseker hoe om met my angs oor kos saam te leef.”
– Vir die jongste sportnuus volg Nuus24Sport op Twitter.