Piet Uys sterf
2009-12-12 10:54
Johannesburg – Die voormalige Springbok-skrumskakel Piet Uys is Saterdagoggend om 4:40 oorlede.
Uys het sy springboktrui tydens Suid-Afrika se toer na Brittanje in 1960/61 vir die eerste keer gedra en sy laaste wedstryd vir die Bokke in 1969 teen Australië gespeel.
Uys het al sy klubrugby-wedstryde vir die legendariese Pretoria Polisie-rugbyklub gespeel en was ook die kaptein van die Blou Bulle gedurende die jare 60’s.
Hy het sy lewe lank aan die Bulle lojaal gebly en tydens die afgelope paar jaar was hy ook by die administrasie van dié span betrokke.
Verdere besonderhede oor die oorsaak van sy dood is nog nie bekend nie.
- Sapa