Ruan Pienaar los SA-rugby
2010-05-28 13:47
Dublin – Die Springbok en skrumskakel van die Sharks, Ruan Pienaar, het ‘n twee jaar kontrak met die Ierse rugbyklub Ulster gesluit.
Pienaar sluit hom volgende seisoen by Ulster aan waar sy Shark-spanmaats, BJ Botha en Johann Muller, ook tans hul rugby speel.
Die Springbok het sy debuut vir die Sharks in 2005 gemaak voordat hy sy eerste toets vir Suid-Afrika in 2006 teen Nieu-Seeland gespeel het.
Hy was ook deel van die Springbok-span wat die Wêreldbeker in 2007 gewen het en het in 36 toetse vir sy land uitgedraf.
“Die feit dat ons Ruan na Ulster bring wys ons ambisie om met die top-spanne in die Magners-liga en Heinekenbeker mee te ding,” het Ulster se operasionele direkteur en 'n voormalige Ierland-losskakel, David Humphreys, gesê.
Bly op hoogte van al die jongste sportnuus deur Nuus24Sport op Twitter te volg.
- Sport24