Oud-Bok moet Cheetahs kom help
2012-09-05 15:31
Bloemfontein – Die uitgetrede Springbok-flank Hendro Scholtz maak Saterdag sy terugkeer vir die beseringsgeteisterde Cheetahs in die Curriebeker-stryd teen die WP in Bloemfontein.
Die Vrystaters sukkel veral met beserings onder die losvoorspelers.
Die Springbok Heinrich Brüssow is terug in die span, maar die Cheetahs is steeds sonder Frans Viljoen, Kabamba Floors, Johannes Prinsloo, Philip van der Walt en Juan Smith.
Dit het die afrigter Naka Drotské genoodsaak om 'n SOS aan Scholtz te stuur. Die voormalige Cheetahs-kaptein sal Saterdag op die plaasvervangerbank wees.
In die agterlyn sal Andries Strauss op binnesenter uitdraf.
So lyk die span:
15 Hennie Daniller, 14 Nico Scheepers, 13 Robert Ebersohn (k), 12 Andries Strauss, 11 Raymond Rhule, 10 Sias Ebersohn, 9 Sarel Pretorius, 8 Davon Raubenheimer, 7 Lappies Labuschagne, 6 Heinrich Brüssow, 5 Izak van der Westhuizen, 4 Andries Ferreira, 3 Marcel van der Merwe, 2 Hercu Liebenberg, 1 Schalk van der Merwe.
Plaasvervangers: 16 Elandré Huggett, 17 Ross Geldenhuys, 18 Waltie Vermeulen, 19 Hendro Scholtz, 20 Tewis du Bruyn, 21 Phillip Snyman, 22 Rayno Benjamin.
Vir die jongste sportnuus volg Nuus24Sport op Twitter.
– Sport24
