Oud-Bok draf uit vir Boland
2010-09-02 16:53
Kaapstad - Die voormalige Springbok-losskakel Louis Koen, wat 15 toetse vir Suid-Afrika vanaf 2000 tot 2003 gespeel het, is terug in aksie.
Koen sal Vrydag vir die Boland Kavaliers uitdraf wanneer dié span in 'n eersteliga Curriebeker-wedstryd teen die Valke in Wellington kragte meet.
Die 35-jarige Koen is die afgelope drie jaar die Boland se hulpafrigter. Maar na vier agtereenvolgende nederlae het afrigter Loffie Eloff besluit hy kan Boland die knoop help deurhaak.
Koen het goed ingepas by vandeesweek se oefensessies en selfs na ‘n lang afwesigheid, met sy skop vermoë beïndruk.
So lyk die spanne:
Boland Kavaliers: Chris Mickelwood, Jacquin Jansen, Cornal Hendricks Alex Kock, Jeremy Plaatjies, Louis Koen, Bolla Conradie (kaptein), Braam Immelman, Thor Halvorsen, Franzel September, Hottie Louw, Hilton Lobberts, Janro van Niekerk, Clemen Lewis, Charl du Plessis. Plaasvervangers: Andries Kruger, Rossouw Kruger, Nikolai Blignaut, Zandré Jordaan Willie le Roux, PJ Vermeulen, Lionel Cornelius
Valke: Chrysander Botha, Kyle Hendricks, Coert Cronjé, Franco Booysen, Theo Rhodes, Martin Thomsen, Jaco Snyman, Warren Perkins (kaptein), Bradley Fortuin, Theo Becker, Eddie Gauché, Christopher Yearsley, Thulani Ngidi, Shone van der Walt, Jacques George. Plaasvervangers: BB Hefer, Vernon du Preez, Nico Engelbrecht, Jaco Swart, Willie Odendaal, Anthony Klonaridis, Japie Naudé.
Afskoptyd Vrydag in Wellington is 16:30.
Bly op hoogte van al die jongste sportnuus deur Nuus24Sport op Twitter te volg.
- Sport24