Nuwe spelers sluit aan by Leeus

2012-11-22 16:45

Johannesburg – Die Goue Leeus het Donderdag ‘n hele paar nuwe kontrakte vir die 2013-seisoen aangekondig.

Johan Ackermann, die Leeus se hulpafrigter, het aangekondig dat die spelers reeds deel is van die unie se voorseisoense oefengroep.

“Ek is baie bly dat hierdie spelers by ons aangesluit het en hul loopbane by die Leeus wil voortsit,” het Ackermann gesê.

“Ek sien uit daarna om saam met hulle te werk.”

Lionel Cronje, Franco Mostert, Jacques van Rooyen, Robbie Coetzee, Hugo Kloppers, JJ Breedt, Stokkies Hanekom en Kobus de Kock is die agt nuwe spelers wat hulle by die unie aangesluit het.

Ackermann het bygevoeg dat hierdie spelers almal beskikbaar sal wees vir die Lions Challenge-reeks, wat van Januarie tot Augustus 2013 sal plaasvind.

Vir die jongste sportnuus volg Nuus24Sport op Twitter.
 

- SAPA