Nóg 'n Blitsbok op krukkelys

2012-03-29 13:04

Kaapstad – Die ervare sewesspeler Paul Delport kon Donderdag nie 'n laat fiksheidstoets slaag nie en sal dus nie vir die Blitsbokke in die Japanse sewestoernooi, wat Saterdag in Tokio afskop, uitdraf nie.

Delport, 'n voormalige kaptein van die Suid-Afrikaanse o.21-span, het 'n kniebesering in Hongkong opgedoen, maar die Blitsbokke was vol hoop dat hy betdys sal herstel vir die sewende been van die Internasionale rugbyraad (IRR) se sewesreeks.

Bernardo Botha, wat aanvanklik weggelaat is om plek te maak vir die nuweling Dirk Dippenaar, sal nou na die span terugkeer.

Delport se onttrekking is Suid-Afrika se tweede terugslag die week nadat die span vroeër ook vir Cecil Afrika weens 'n kniebesering moes afstaan.

Die Blitsbokke skop hul veldtog Saterdagoggend om 03:38 teen Skotland af, gevolg deur groepwedstryde teen Portugal (08:03) en Samoa (11:47).

Al die wedstryde sal regstreeks op SuperSport6 gebeeldsend word.

Vir die jongste sportnuus volg Nuus24Sport op Twitter.

– Sport24