Kiwi's stel visier op sewesrekord
2012-12-07 09:03
Johannesburg – Nieu-Seeland kan die eerste span word wat dieselfde been van die Internasionale Rugbyraad (IRR) se Sewes-wêreldreeks vir 'n vierde agtereenvolgende keer wen, wanneer die Suid-Afrikaanse ronde in Port Elizabeth plaasvind.
Geen ander span het dié mylpaal behaal sedert die toernooi in 1999 begin het nie.
Engeland het die vanaf 2002 tot 2004 die ronde in Hongkong gewen en Nieu-Seeland het die titel vanaf 2003 tot 2005 gewen, maar mik in Suid-Afrika vir hul vierde sege.
"Jy het nou 16 moeilike wedstryde, daar is nie maklike wedstryde nie," het Gordon Tietjens, afrigter van Nieu-Seeland, gesê.
Hy was minder ingenome met die gelykop-wedstryd wat hulle in 'n groep met Fidji, Engeland en Skotland geplaas het nie. Tietjens het dit as "belaglik" bestempel.
Suid-Afrika, die gashere, het die voormalige IRR-sewesspeler van die jaar, Cecil Afrika, in sy span ingesluit nadat 'n kniebesering hom verhoed het om na Doebai te reis.
"Ons weet die aanhangers verwag van ons om goed te doen en ons sal ons bes probeer om hulle nie teleur te stel nie. Dit is lekker om Cecil terug te hê omdat hy so 'n belangrike speler vir ons is," het Paul Treu, afrigter van die nasionale sewesspan, gesê.
Kyle Brown, kaptein van die Blitsbokke, is buite aksie met 'n gebreekte enkel en word vervang deur Frankie Horne, wat sy 44ste wêreldreeks-toernooi gaan speel.
Suid-Afrika is in groep A met Samoa, Frankryk en Australië.
Kenia, Wallis, Argentinië en Spanje sal sake uitspook in groep C, terwyl Portugal, Kanada, die Verenigde State en Zimbabwe in groep D is.
– Volg Nuus24Sport op Twitter
- AFP
