Enkele Springbok-toets vir Kaapstad 'onregverdig'
2011-11-18 14:06
Kaapstad – Die president van die Westelike Provinsie-rugbyvoetbalunie, Tobie Titus, het gesê die Suid-Afrikaanse rugbyunie (Saru) het Kaapstad in die toekenning van Springbok-tuiswedstryde in 2012 misgekyk.
Saru het Kaasptad een toets vir die 2012-seisoen toegeken – die Springbokke se Rugby Kampioenskappe-kragmeting teen Argentinië op 25 Augustus.
Saru het reeds voorheen aangedui waar die Springbokke aanstaande jaar sal speel, maar Titus was onder die indruk die unie sal die toekenning van wedstryde hersien.
“Ek het gedink hulle sal dit hersien. Ek bedoel – Port Elizabeth,” het hy gesê.
“Ek blameer nie Port Elizabeth nie, hulle ken nie die wedstryde aan hulself toe nie, maar ek wil net weet wat die dinkproses hieragter was,” het Titus gesê.
Die Springbokke het nie in 2011 in Kaapstad gespeel nie en het in 2010 laas op Nuweland teen die Franse gespeel.
– Sport24
– Vir die jongste sportnuus volg Nuus24Sport op Twitter.