Naas ondersteun WP se besluit
2010-08-14 02:47
Kaapstad – Die legendariese losskakel Naas Botha ondersteun die Westelike Provinsie in hulle besluit om nie die span se verdedigingsafrigter Jacques Nienaber beskikbaar te stel om die Springbokke in die Drienasies by te staan nie.
Die Bokke se afrigter, Peter de Villiers, het vroeër die week met Nienaber vergader om te hoor of hy sy hulp aan die nasionale span kan bied.
Nienaber is genader nadat die Springbokke met hul verdediging gesukkel het op die weg-fase van die Drienasies.
Nietemin het WP besluit dat dit nie in hul beste belang sal tel as hulle Nienaber aan die Bokke beskikbaar stel in hierdie kritieke fase van hul Curriebeker-stryd nie.
Botha het gesê dat hy saamstem met die WP se senior professionele afrigter Rassie Erasmus dat Nienaber se afwesigheid ontwrigtend vir die WP-kamp kan wees in die middel van die Curriebeker-seisoen.
“WP is reg!” het Botha Donderdag gesê.
“Jy kan nie skielik besluit dat as iemand iets doen wat suksesvol is hy sy werk moet los om jou te help nie.”
Botha glo die Springbokke moes beter beplan het.
Lees meer by Naas-supports-Div-snub-20100813">Sport24
Bly op hoogte van al die jongste sportnuus deur Nuus24Sport op Twitter te volg