Moet Ruan op nr.9 begin?
2010-06-07 14:16
Sport24
Kaapstad – As die lesers van Sport24 nasionale keurders was, sou Ruan Pienaar in die Springbokke se nommer 9 trui ingeklim het terwyl die eerste keuse Fourie du Preez op die beseringslys is.
Daar sal nou gewag en sien moet word of Peter de Villiers en sy manne ook so sal voel terwyl die Bokke voorberei om hul eerste ware ‘A-span’ van die seisoen te benoem vir Saterdag se wedstryd teen Frankryk op Nuweland.
Daar was bykans 7 000 respondente op Sport24 se stemboks verlede week en oor die naweek waarin daar gevra is: “Met Fourie du Preez op die kantlyn – wie moet as skrumskakel vir die Springbokke begin?”
Die veelsydige Sharks-ster Pienaar was die oorweldigende eerste keuse en het 41% van die stemme gekry. Ricky Januarie, wat teen Wallis ingespan was, het slegs 5% van die stemme ontvang.
Volg Nuus24 op Twitter