Mitchell 'wou nog altyd terugkeer' na SA

2013-01-10 07:16

John Mitchell "wou nog altyd" na Suid-Afrika terugkeer. (Deaan Vivier, Foto24)

Johannesburg – John Mitchell, voormalige breier van die Lions-rugbyspan, het aan Sport24 gesê hy het nog altyd beplan om na Suid-Afrika terug te keer.

Hy het gesê dat daar niks duister omtrent sy skielike terugkeer uit Engeland is nie.

Mitchell is terug in Durban, waar hy ná sy skorsing as Lions-afrigter verlede jaar gaan woon het voordat hy as konsultant by die Sale Sharks in Engeland betrek is.

Dit volg na hy net 'n maand by dié Engelse klub werksaam was.

Mitchell het gesê die gebeure rondom sy terugkeer van Sale is effens “oordryf”.

“Hulle het aan my ’n langtermyn-aanbod gemaak, maar my oorspronklike ooreenkoms met hulle was altyd ’n korttermyn een. Dit (die situasie) was effens oordryf.

“My plan was altyd om na Suid-Afrika terug te keer en ek moes buitendien aan die begin van Februarie hier wees vir (verpligtinge by) Supersport,” het hy gesê.

Sy terugkeer vanaf Sale verander ook niks aan sy ooreenkoms met die Lions, vir wie hy in 2013 as konsultant gaan optree, nie.
 
– Lees hier meer.

– Volg Nuus24 op Twitter.