Minister weier toegewing oor Mujati

2012-11-23 08:15

Kaapstad – Fikile Mbalula, minister van sport, weier om 'n spesiale toegewing aan die Suid-Afrikaanse Rugbyunie (Saru) te maak om Brian Mujati toe te laat om vir die Springbokke te speel, berig Eyewitness News Sport.

Mbalula het in 'n brief aan die president van Saru gesê Mujati kan slegs vir die Bokke speel indien hulle die korrekte proses volg en hom formeel as Suid-Afrikaanse burger te laat naturaliseer.

Hoewel Mujati 12 keer vir die Springbokke in 2008 uitgedraf het, mag hy ingevolge reëls, wat verband hou met die keuring vir die nasionale span, nie vir die Bok-span gekies word nie, omdat hy nie 'n Suid-Afrikaanse paspoort het nie en 'n Zimbabwiese burger is.

Internasionale Rugbyraad (IRR) het ook aan Saru gesê Mujati kan slegs die Bokke verteenwoordig indien hy 'n geldige Suid-Afrikaanse paspoort het, omdat dit ingevolge wetgewing van alle verteenwoordigers van 'n nasionale span vereis word.

– Lees meer hier

– Volg Nuus24Sport op Twitter