Meyer roep Leeus-stut op vir Bokke

2012-11-21 09:16

Johannesburg – Die Goue Leeus-stut JC Janse van Rensburg het Dinsdagaand na Londen vertrek om die beseerde CJ van der Linde te vervang, het Heyneke Meyer, Springbok-afrigter, gesê.

Van der Linde sal terugkeer na Suid-Afrika nadat hy tydens Maandag se oefensessie 'n dyspierbesering opgedoen het.

"Gurthrö Steenkamp het ook nie Maandag 100% gevoel nie en nadat Tendai Mtawarira hom kort voor die toets teen Ierland onttrek het, het ons besluit dat dit die beste sal wees om iemand op loskop te kies," het Meyer in 'n verklaring gesê.

"JC is 'n ervare Superrugby- en Curriebeker-speler en was ook 'n goeie kaptein vir die Lions vanjaar. Hy klop al 'n ruk lank aan die internasionale deur en dit sal 'n geleentheid bied vir hom om die Springbok-kultuur en -strukture te ervaar."

– Volg Nuus24Sport op Twitter

- SAPA