Mbalula soek Div terug

2012-05-14 10:00

Johannesburg – Die sportminister Fikile Mbalula het aangekondig dat die voormalige Bok-afrigter Peter de Villiers, betrokke gaan wees by die ontwikkeling van rugby, berig die Sowetan.

"Ek is verheug dat ons vir Peter terug het om te help met ontwikkelingsprojekte," het die sportminister Maandag gesê.

"Ons wil hê hy moet die beste model vir rugby op grondvlak ontwikkel," het Mbalula bygevoeg.
 
Mbalula het gesê hy wil sien dat skole in die townships en dorpe kompeterend raak in rugby.

"Daar is hope talent in die townships en dorpe in Gugulethu, Khayelitsha en in die Oos-Kaap. Ons wil sien dat skole in Seshego, Bloemfontein, Mamelodi en ander townships ook rugby speel en Springbokke oplewer."
 
De Villiers het 'n brons medalje met die Suid-Afrikaanse o.19-span by die 1999 Wêreldbeker gewen en goud met dieselfde span in 2005.

Die daaropvolgende jaar het hy silwer gewen.

In 2007 het die voormalige breier die Nasiesbeker met die Opkomende Springbokke gewen.

Vir die jongste sportnuus volg Nuus24Sport op Twitter.

– Sport24