Mbalula praat oor transformasie

2012-03-30 20:37

Johannesburg – Die minister van sport, Fikile Mbalula, gaan na verwagting Vrydag by die Suid-Afrikaanse rugbyunie (Saru) se jaarvergadering die omstrede kwessie van transformasie in rugby opper, het RSG berig.

Daar word bespiegel dat Mbalula ook 'n belangrike aankondiging gaan doen.

Mbalula het vroeër vir 'n opskudding gesorg toe hy gesê het dat geld en politieke steun binnekort van federasies soos Krieket Suid-Afrika (KSA) en Saru weerhou kan word omdat hulle die afgelope 18 jaar, volgens hom, te min gedoen het om sport te transformeer.

Vir die jongste sportnuus volg Nuus24Sport op Twitter.

– RSG