Lomu se kans op normale lewe 'skraal'
2011-10-27 13:30
Wellington – Die voormalige vleuel van die All Blacks Jonah Lomu se gesondheidsprobleme is erger as wat voorheen gedink is en hy het gesê sy kanse op ‘n normale lewe is "skraal".
Volgens die All Blacks se webtuiste het Lomu, wat steeds die rekord vir die meeste drieë in Wêreldbeker-rugbytoernooie hou, probeer om sy loopbaan as sportster steeds lewend te hou.
Lomu was van plan om vanjaar aan ‘n boksgeveg vir liefdadigheid deel te neem, maar die rugbylegende moes onttrek.
Die reuse-vleuel is in 1995 met ‘n skaars nierkwaal, nefrotiese niersiekte, gediagnoseer en het in 2004 ‘n oorplanting ontvang.
Dokters het Lomu slegte nuus gegee oor sy gesondheid, maar hy het in die verlede dokters advies geïgnoreer en baie struikelblokke versit.
“Hulle het my nie gesê hoeveel persent kans ek het nie,” het hy gesê.
“Hulle het my ‘n skrale kans gegee dat dinge hulself sal uitsorteer, maar ‘n skraal kans is beter as geen kans,” het Lomu bygevoeg.
– Sport24
– Vir die jongste sportnuus volg Nuus24Sport op Twitter.