Leeus verloor borge

2013-01-08 15:43

Kaapstad – Die Goue Leeus Rugbyunie (GLRU) het nog ‘n terugslag beleef na dit bekend geword het dat Coca-Cola nie sy borgskap met die unie vir 2013 hernu het nie.

‘n Mediaverkalring wat vroeër die week vrygestel is het weer na die Leeus se stadion as Ellis Park verwys, en nie Cocacolapark soos dit die afgelope paar jaar bekend gestaan het nie, het Sport24 berig.

Coca-Cola het glo sy borgskap van R12 miljoen per jaar in Desember tot ‘n einde gebring.

Die Leeus het ook verskeie van hul topspelers in 2012 verloor na die Suid-Afrikaanse Rugbyunie bevestig het dat die Lions nie aan vanjaar se Superrugby-reeks sal deelneem nie.

Die Lions is met die Kings vervang.

Lees hier meer.

– Vir die jongste sportnuus volg Nuus24Sport op Twitter.