Leeus kou naels oor Strauss-besering
2011-08-30 13:40
Johannesburg – Die Goue Leeus se breier, John Mitchell, het een verandering gemaak aan sy beginspan wat Vrydag in die Curriebeker-kragmeting teen die Pumas in Nelspruit uitdraf.
Die Rooibontes se flank Derick Minnie, wat ligte harsingskudding en 'n besering aan sy oor het, word deur Michael Rhodes vervang.
Onsekerheid heers nog oor Joshua Strauss, wat verlede naweek se oorwinning oor die Natalse Haaie weens 'n ribbesering moes misloop, se deelname. Maar sy naam is voorlopig in hakies langs Warren Whiteley gevoeg.
Mitchell sal Donderdag aankondig wie op agsteman uitdraf en wie op die plaasvervangersbank sal diens doen.
So lyk die span:
15. Jaco Taute, 14. Deon van Rensburg, 13. Lionel Mapoe, 12. Alwyn Hollenbach, 11. Michael Killian, 10. Elton Jantjies, 9. Michael Bondesio, 8. Warren Whiteley/Joshua Strauss, 7. Michael Rhodes, 6. Cobus Grobbelaar, 5. Franco van der Merwe, 4. Wikus van Heerden, 3. Patric Cilliers, 2. Bandise Maku, 1. JC Janse van Rensburg.
Plaasvervangers: Martin Bezuidenhout, Jacobie Adriaanse, Johan Snyman, Warren Whiteley/Joshua Strauss, Jaco Kriel, Doppies La Grange, Burton Francis.
Vir die jongste sportnuus volg Nuus24Sport op Twitter.
- SAPA