Lambie in, Taute op nr.13 teen Iere
2012-11-07 13:53
Kaapstad – Die afrigter van die Springbokke, Heyneke Meyer, het drie veranderings gemaak aan die span wat Ierland Saterdag in Dublin pak.
Patrick Lambie kry sy groot kans op losskakel terwyl Jaco Taute na die buitesenter-posisie skuif.
JP Pietersen vervang die beseerde Bryan Habana op vleuel.
Dit is die eerste keer dat die Springbokke agt spelers as reserwes het, wat in lyn is met die nuwe rugbyreëls dat 'n volledige voorry van twee spesialis-stutte én 'n haker op die bank gekies moet word.
Meyer het tydens Woensdag se spanaankondiging ook bevestig dat die loskopstut Heinke van der Merwe in die toergroep opgeneem is as moontlike plaasvervanger.
Wayne Barnes van Engeland is as die wedstrydskeidsregter aangewys.
So lyk die span:
15 Zane Kirchner, 14 JP Pietersen, 13 Jaco Taute, 12 Jean de Villiers (kaptein), 11 Francois Hougaard, 10 Patrick Lambie, 9 Ruan Pienaar, 8 Duane Vermeulen, 7 Willem Alberts, 6 Francois Louw, 5 Juandré Kruger, 4 Eben Etzebeth, 3 Jannie du Plessis, 2 Adriaan Strauss, 1 Beast Mtawarira
Plaasvervangers: 16 Schalk Brits, 17 CJ van der Linde, 18 Pat Cilliers, 19 Flip van der Merwe, 20 Marcel Coetzee, 21 Morné Steyn, 22 Juan de Jongh 23. Lwazi Mvovo
Afskoptyd Saterdag is om 19:30.
Vir die jongste sportnuus volg Nuus24Sport op Twitter.
– Sport24
