Kiwi-blits sluit by Josh Strauss in Skotland aan

2012-10-23 14:08

Kaapstad – Die Crusaders-vleuel Sean Maitland het 'n kontrak met die Skotse klubspan Glasgow Warriors onderteken.

Maitland het 'n kontrak gesluit om sy rugby tot Mei 2015 in Skotland te speel.

Die 24-jarige, wat ook op heelagter kan uitdraf, se ouma en oupa is albei in Glasgow gebore en die Nieu-Seelander kwalifiseer dus om vir Skotland gekies te word.

Sedert sy Super-debuut in 2008 het Maitland 24 drieë vir die Crusaders gedruk.

Hy deel ook die rekord vir die meeste drieë in 'n wedstryd nadat hy in 2011 vier keer agter die doellyn gaan kuier het in 'n kragmeting met die Brumbies.

Maitland was deel van die Nieu-Seelandse o.19-span wat die Wêreldbeker in 2007 gewen het asook die 0.20-span wat in 2008 as Wêreldkampioene gekroon is.

Lees verder.

Vir die jongste sportnuus volg Nuus24Sport op Twitter.

– Rugby365