Juan Smith straks na Frankryk

2012-09-27 07:26

Kaapstad – Die Springbok- en Cheetah-flank Juan Smith sal waarskynlik sy terugkeer na die rugbyveld aanstaande jaar in Frankryk maak.

Die 31-jarige Vrystater was die afgelope twee seisoene buite aksie weens 'n haksening-besering, maar Sport24 het Donderdag berig dat Smith vir 'n tyd in Frankryk gaan speel tensy hy 'n reuse-aanbod van 'n Suid-Afrikaanse span kry.

Die Franse klub Bayonne is volgens alle aanduidings die span wat 'n kontrak met die veteraan van 69 toetse sal sluit.

Smith het gesê hy is gretig om weer rugby te speel ná 'n frustrerende rehabilitasie tydperk wat verskeie operasies ingesluit het.

"Ek is gereed om weer te speel, maar met die Curriebeker-reeks wat tot 'n einde kom wil ek nie druk op myself plaas nie."

Smith se laaste toets vir die Springbokke was in November 2010 teen Engeland op Twickenham.

Vir die jongste sportnuus volg Nuus24Sport op Twitter.

– Sport24