Juan Smith besluit eersdaags oor rugby-toekoms

2013-01-03 10:23

Kaapstad – Die Springbokflank Juan Smith gaan einde Januarie ‘n besluit oor sy toekoms neem, het Sport24 Donderdag berig.

Die 31-jarige Smith, wat die meeste van die afgelope twee seisoene misgeloop het weens ‘n hakbesering, gaan aan die einde van die maand besluit of hy sy loopbaan gaan voorsit.

Sport24 het in September berig dat Smith heel moontlik by die Franse klub Bayonne kan aansluit.

Dit lyk egter of Smith vir eers sy beplande skuif na ‘n Franse klub vir ‘n rukkie kan uitstel indien hy geen pyn ná die Cheetahs se veldsessies ervaar nie.

Sou Smith fiks verklaar word en self besluit om weer te speel, sal hy heel moontlik minstens in die Super-reeks nog vr die Cheetahs uitdraf.

Die veteraan van 69 toetse het sy laaste wedstryd in Februarie 2011 vir die Cheethas teen die Bulls gespeel.

– Lees hier meer.

– Vir die jongste sportnuus volg Nuus24Sport op Twitter.