John Mitchell nie skuldig, soek pos terug

2012-11-05 11:45

Johannesburg – John Mitchell sê hy is van plan om in sy pos as hoofbreier van die Leeus aan te bly nadat hy op verskeie klagtes van wangedrag onskuldig bevind is, het ESPN Maandag berig.

Die uitgerekte ondersoek na die klagtes wat teen Mitchell deur die Goue Leeus-rugbyunie (GLRU) aanhangig gemaak is, is deur 'n onafhanklike regskenner, Peter Bam, gelei.

"Alhoewel John onskuldig bevind is van hierdie aantygings is die GLRU nie bereid om die besonderhede van die bevindings aan John of sy regspan bekend te maak nie," het Mitchell se agent gesê.

"Dit is nogals ongelooflik as jy in ag neem die skade wat die GLRU se aksie aan John se reputasie gedoen het."

Mitchell het bevestig dat hy nie van plan is om 'n pos by die Engelse klubspan Sale Sharks op te neem nie, hoewel die klub hom verlede week as 'n lid van sy nuwe raad vir rugby-strategie onthul het.

"Ek wil my pos as hoofafrigter van die Leeus terughê," het Mitchell gesê.

"Daar is onafgehandelde sake by die Leeus en voorts is ek vasberade om my toekoms in Suid-Afrika te maak."

Lees verder.

Vir die jongste sportnuus volg Nuus24Sport op Twitter.

– Sport24