John Mitchell help by Engelse klub

2012-11-01 08:49

Johannesburg – Die Engelse klubspan Sale Sharks het onthul dat die geskorste afrigter van die Goue Leeus, John Mitchell, deel sal wees van sy nuwe raad vir rugby-strategie.

"Sale Sharks het 'n bestuursraad gevorm wat gereeld sal ontmoet om die klub se langtermyn rugby-strategie te beplan en te hersien," het die klub Woensdag op sy webtuiste gesê.

"Brian Kennedy is as voorsitter gekies en die raad sal uit die volgende lede bestaan: Ian Blackhurst, Steve Diamond, John Mitchell en Bryan Redpath."

Mitchell, wat die Leeus verlede jaar tot Curriebeker-glorie gelei het, is vanjaar aan die einde van Junie vir beweerde wangedrag geskors.

Vir die jongste sportnuus volg Nuus24Sport op Twitter.

– Sport24