Jean de Villiers sál uitdraf teen Iere
2010-11-05 12:07
Dublin - Die Bok-senter Jean de Villiers het 'n fiksheidstoets geslaag om Saterdag in sy 64ste toets vir Suid-Afrika teen Ierland op die Aviva-stadion in Dublin uit te draf.
De Villiers neem sy plek in die middelveld langs Zane Kirchner in, vir die Springbokke se eerste toets van hul Grand Slam-toer in Europa.
Intussen is Willem Alberts op die plaasvervangersbank deur sy Haaie-spanmaat Keegan Daniel vervang. Alberts sukkel steeds om van sy kuitspierbesering te herstel.
"Beserings het ons regtig hard getref. Om vir Jean terug te hê is wonderlike nuus," het afrigter Peter de Villiers tydens 'n perskonferensie gesê.
Afskop Saterdag in Dublin is om 19:30. Die skeidsregter is Nigel Owens van Wallis.
Spanne:
Ierland:
15 Rob Kearney, 14 Tommy Bowe, 13 Brian O'Driscoll (kaptein), 12 Gordon D'Arcy, 11 Luke Fitzgerald, 10 Jonathan Sexton, 9 Eoin Reddan, 8 Jamie Heaslip, 7 David Wallace, 6 Stephen Ferris, 5 Mick O'Driscoll, 4 Donncha O'Callaghan, 3 Tony Buckley, 2 Rory Best, 1 Cian Healy
Plaasvervangers: 16 Sean Cronin, 17 Tom Court, 18 Donncha Ryan, 19 Denis Leamy, 20 Peter Stringer, 21 Ronan O'Gara, 22 Keith Earls
Suid-Afrika:
15 Gio Aplon, 14 Bjorn Basson, 13 Zane Kirchner, 12 Jean de Villiers, 11 Bryan Habana, 10 Morne Steyn, 9 Ruan Pienaar, 8 Pierre Spies, 7 Juan Smith, 6 Deon Stegmann, 5 Victor Matfield (kaptein), 4 Bakkies Botha, 3 Jannie du Plessis, 2 Bismarck du Plessis, 1 Beast Mtawarira
Plaasvervangers: 16 Chiliboy Ralepelle, 17 CJ van der Linde, 18 Flip van der Merwe, 19 Keegan Daniel, 20 Francois Hougaard, 21 Adi Jacobs, 22 Pat Lambie
Bly op hoogte van al die jongste sportnuus deur Nuus24Sport op Twitter te volg.
- Sport24