Haaie vat hap uit Leeus se trots

2012-08-18 21:15

Kaapstad – Die Haaie het Saterdagaand oor die Goue Leeus in die spanne se Curriebeker-wedstryd in Durban geseëvier.

Die Durbaniete het met ‘n telling van 30-14 gewen nadat die Leeus teen rustyd met ‘n noue 7-6 voorgeloop het.

Die Haaie het drie van hul staatmakers terug verwelkom vir dié kragmeting. Louis Ludik, Charl McLeod en Anton Bresler was almal terug in die beginspan ná hulle verlede naweek ‘n ruskans gegun is.

Die tuisspan het verlede week die Westelike Provinsie op ‘n nat Nuweland met 23-25 geklop om hul Curriebeker-veldtog met ‘n wen af te skop.

Die Goue Leeus het verlede week op Ellis Park in Johannesburg ook oor hul teenstanders – die Vrystaat Cheetahs – met ‘n telling van 43-20 geseëvier.

Puntemakers:

Haaie:

Drieë: S'bura Sithole, Odwa Ndungane, Jean Deysel

Doelskoppe: Meyer Bosman (3)

Strafskoppe: Bosman (3)

Goue Leeus:

Drieë: Strafdrie, Cobus Grobbelaar

Doelskoppe: Butch James (2)

Vir die jongste sportnuus volg Nuus24Sport op Twitter

– Nuus24, Sapa