Haaie skuif rond vir bulstryd in Durban
2012-09-27 12:39
Durban – Die Haaie het verskeie posisionele skuiwe gemaak vir die span se Curriebeker-wedstryd Vrydag teen die Bulle op die Kingspark-stadion in Durban.
Die vleuel Lwazi Mvovo en haker Craig Burden is nie beskikbaar nie aangesien albei opgeroep is na die Springbok-groep.
Goeie nuus vir die Durbaniete is dat Paul Jordaan terug is in die vyftiental.
Jordaan sal op buitesenter uitdraf met Tim Whitehead wat na binnesenter skuif in die plek van Meyer Bosman.
Bosman dra Vrydag die nr. 10-trui.
Louis Ludik, wat die laaste paar weke op heelagter gespeel het, skuif na die vleuel-posisie in Mvovo se plek.
En Burden se plek in die voorry word deur die veteraan-haker Pieter Dixon ingeneem.
John Plumtree se span is tans tweede op die Curriebeker-punteleer terwyl die Bulle in die tweede laaste plek is.
Afskoptyd Vrydag is om 19:10.
Spanne:
Haaie:
15 Riaan Viljoen, 14 Odwa Ndungane, 13 Paul Jordaan, 12 Tim Whitehead, 11 Louis Ludik, 10 Meyer Bosman, 9 Cobus Reinach, 8 Keegan Daniel (kaptein), 7 Jean Deysel, 6 Jacques Botes, 5 Anton Bresler, 4 Steven Sykes, 3 Wiehahn Herbst, 2 Pieter Dixon, 1 Dale Chadwick
Plaasvervangers: 16 Kyle Cooper, 17 Julian Redelinghuys, 18 Jandre Marais, 19 Lubabalo Mtembu, 20 Charl McLeod, 21 Marius Joubert, 22 S'bura Sithole.
Blou Bulle:
15 Jurgen Visser, 14 Akona Ndungane, 13 JJ Engelbrecht, 12 Francois Venter, 11 Sampie Mastriet, 10 Louis Fouché/Lionel Cronjé, 9 Jano Vermaak, 8 CJ Stander, 7 Arno Botha, 6 Dewald Potgieter (kaptein), 5 Franco Mostert, 4 Wilhelm Steenkamp, 3 Werner Kruger, 2 Willie Wepener, 1 Morné Mellett.
Plaasvervangers: Bongo Mbonambi, Frik Kirsten, Grant Hattingh, Warwick Tecklenburg, Ruan Snyman, Lionel Cronjé/Willie du Plessis, Ulrich Beyers.
Vir die jongste sportnuus volg Nuus24Sport op Twitter.
– Sport24
